１１點３０分，天文台宣佈改掛八號風球！
１點３０分，天文台改掛九號風球，仲有紅色暴雨警告！！（持久ｄ！！！）
唉．．．我今日晏晝已經感受到「八號風球」啦。
我呢排返緊份Part Time賣鞋（哈，其實張相已經講晒所有野）
今日多客到呢，釣就空左，但唔係賣晒ｄ鞋，係佢地試完晒鞋放晒落地下！
呢張相係我執左一半果陣時影架啦！
好似個風正面吹襲咁！！！！！！
張相只係冰山一角（哈，我忙住響度執野，偷偷影左張相咋）
一個小朋友試拖鞋，試到佢個位有十對拖鞋圍住佢。
而顧客們都好鍾意問我「ｄ鞋係咪真架？」「點解ｄ鞋咁平既？係咪假架？」
答案當然係真架啦！咁大間公司會唔會賣假貨呀？！
而我亦發現左一樣野，大家對我公司既鞋都有特殊辟好，就係聞佢浸味～哈哈
好累呀，唔講咁多公司既秘密，雖則客人的提問好好笑，都係少講為妙。
仲諗住聽日唔駛返添，宜家咁早掛，聽朝落波，跟住我又要返工啦＝．＝
唉．．．唔咁貪心希望個風賴死響香港唔走，只希望聽日唔好咁多人行街啦。阿門
沒有留言:
張貼留言