[A & Freestyle] 態度

話說昨晚去買相機，原本是件開心的事耶！
但這次買相機遇到的職員態度其差！！還是我的問題嗎？
先讓大家評下理．．．


作為精明消費者，之前上網搜集過資料，找到較便宜的一間
我買相機body加兩枝鏡頭，都一如慣常問下佢有冇得再平或者有咩送。
佢話呢個價錢無得平，無野送，咁我都明白既。
佢話加多二百蚊就跟返8GB咭，腳架，相機袋，保護貼。
咁我都要跟啦．．．



其實事前佢話要去貨倉拎貨，要等三個字（就是１５分鐘吧）
到落訂之後，佢同我講「我宜家去拎，等大約半個鐘」（變了３０分鐘！？）
到最終我等左３５分鐘！（我同你計足佢．．．）
我勁趕時間囉！！！！！！！！！！（算，我體諒你．．．）

CHECK機果陣，佢拎埋加二百蚊跟果啲野．．．

張8GB咭係無牌子的．．．算

保護貼，佢同我講唔幫我貼住，因為７日部機有壞可以換．．．
我當時沒有反應，但現在回想，我想問大家是真的嗎？
宜家買手機相機，佢唔會幫你貼保護貼？
另外，回到家中諗住貼保護貼時，發覺個貼size唔啱，
現在的相機screen是全個畫面都會貼？還是貼中間？還是靠側？！

相機袋，當時check完機，我叫佢放落相機袋，佢話放返落盒先．．．
我返屋企，將個相機，加埋鏡頭之後，係放唔落個相機袋囉！！
天哪，我買個相機袋淨係放機身？另外找地方放鏡頭，閃光燈 ．．．？！

．．．．．．已經好慶啦，比兩舊水買啲咁既野返黎．．．

Check完鏡頭，佢放返入袋時，個蓋無關好，如果花左係咪你賠先？！



到比錢果陣，咁我買三樣野，我問收銀可唔可以分開三次碌，
（係我貪心，分開３次碌可以抽３次獎麻～）
個職員答我「唔得喎」我問「點解唔得既？」
佢竟然答我「因為唔得囉」．．．
我頂，呢一刻唔係我趕時間同埋抽少兩次獎實則無所謂，
我真係想爆粗鬧佢，呢啲咩野態度？！咩野原因！？



響收銀隔離，我見到側邊女售貨員幫一個女顧客袋緊個座地風扇（大大個果啲）
係佢倆個身後有四個男售貨員悠閒地睇住，完全無幫手，
連個女顧客都問，得你一個拎，無人幫手既？
當然，之後女顧客幫手袋個風扇啦．．．
男人？咪繼續企響度睇囉。



唔好意思，今日用字比較口語，今晚我再作修改用字．．．



我買相機的店舖，是某黃姓電視藝人代言的～
（大家知道就好，不要在這裏開名啦～）
向大家跟進一下，第二天我再到店舖理論，得到的回應是．．．
保護貼是這個Size的，最終我只好到百老匯花50蚊買一張貼合相機型號的保護貼！（舒服晒！）
相機袋是這個Size的，要換大一點的要加50蚊。但我不岔氣，所以現在還是沒有用這個相機袋．．．