前幾日去左睇呢個音樂會，個名超級長！好新城Style．．．
呢個係新城同金牌大風破冰後首個音樂會
歌手都係好唱得之中港台金牌歌手！
（激死我啦，Jacso又將我D直圖縮左水，搞到勁細張！
用左Chriz個方法都唔得既，灰爆！）
先講攝影，第一次拎部相機去影音樂會，經驗不足，
所以一直用AV Mode黎影，結果佢地塊面會白晒（eg. 王心凌）
好彩啲就影到好少少（eg. 吳雨霏）
直至音樂會差唔多完，我先諗起用M Mode！！
所以側田同蕭亞軒就影得好少少。
（但係宜家啲圖縮到咁，都唔係好睇到架啦．．．．）
下個演唱會希望影得好啲，有多啲靚相。
講返個音樂會，本身真係不太吸引，因為我聽國語歌都無點聽演出歌手果啲歌．．．
但係響現場睇既時候，聽佢地唱歌又唔覺得悶，仲覺得好聽喎！
周筆暢，唱歌真係好好聽呀！！！！佢首廣東歌都好正架～
王心凌，之前淨係睇過佢套微笑Pasta，原來唱歌都OK。
吳雨霏，無得頂！我十分欣賞既女歌手
梁漢文，唱返舊歌真係正～
梁：枝水邊個飲過？
觀眾：王心凌
梁：哦，咁無所謂啦～
全場：（笑）
飛鳥青魚，新組合，幾搞鬼呢，I like。
陳思彤，女新人，佢首歌淨係想Show佢個海豚音．．．（我之前真係唔識佢）
蘇永康，哈，竟然走音！但首國語歌唱得好好！
張芸京，又係唱得超棒！ 又唱又跳，佢仲係唯一個歌手跳落台同觀眾握手同跳舞！
側田，佢除帽果下好Surprise！不過，我未控制到我相機，影唔到．．．．．．
蕭亞軒，又係唱得跳得之人。
Rundown
周筆暢 － 你們的愛
周筆暢 － Seasons
周筆暢 － 娃娃（粵）
王心凌
王心凌 － 我很好那麼你呢？
王心凌 － 喜歡你怎麼辦
吳雨霏 － 逼得太緊
吳雨霏 － Here We Are
吳雨霏 － 分手要狠
吳雨霏 － 愛你變成恨你
吳雨霏 － 愛是最大權利
梁漢文 － 住家丁麵
梁漢文 － 隨時行樂
梁漢文 － 七友
青鳥飛魚 － 舞棍
青鳥飛魚 － 怪怪女
陳思彤 － 頑固
蘇永康 － 黑色禮服
蘇永康 － 喜帖街
蘇永康 － 男人不該讓女人流淚
張芸京 － 玩世不恭
張芸京 － 黑裙子
張芸京 － 讓我照顧你
張芸京 － 破天荒
側田 － 情歌
側田 － B.O.K.
側田 － 男人KTV
蕭亞軒 － 閃閃惹人愛
蕭亞軒 － 倒數
蕭亞軒 － 表白
大合唱 － Joy to the World
大合唱 － We Wish You Are Merry Christmas
（哈，有首唔知咩歌名囉～）
個音樂會係環保聖誕做主題，每位歌手都講下點樣環保。
例如Edmond話d公司唔好再寄宣傳單張，可以透過email/SMS。(好似唔關聖誕事？）
某歌手話去X'mas Party自備餐具（大家可以諗諗佢！！哈）
某DJ話將收到ge聖誕咭砌聖誕樹做裝飾。（聖誕咭好唔環保！你仲可以收到用黎砌聖誕樹！？你應該叫朋友send E card）
某DJ話將唔要ge女朋友派出去做聖誕禮物，循環再用（幾好笑，哈哈）
我淨係記得呢啲．．．哈哈
但係，個音樂會最唔環保！就係每位入場人仕都有Bon Bon棒！我至憎！
又嘈住我聽歌，又阻住我睇Show，仲要完場就通場都係，勁唔環保！！！！！
沒有留言:
張貼留言