之前看Jacso友Blog,話動漫節有新版樽裝結冰可樂!
朋友有飛,所以就入去動漫節行下啦。
一去到可口可樂Booth,見到呢部機果陣就係「多謝惠顧 售罄」
唯有在場內走走,不過我唔係龍友,對Cosplay又無興趣,又唔想買劍買兵器,都唔駛買漫畫或者咕0臣。
所以今日係齋逛!又因為太多人,無乜心情去影相(雖則都已經影左唔少)
但都唔錯,一入去就見到柏豪同Fiona!
見到「Up」的兩位主角公仔,仲有Q版公仔。好想睇套卡通呀!
行晒成個場,Skip晒所有要排隊先入到GE漫畫Booth,最有趣係呢個英雄展覽!
呢個Spiduck man!好好笑呢
呢個好香港文化GE三人麻雀!
我最鍾意的小王子,肥左咁多呀?哈哈,食得多牛丸吧?!
也很喜歡神奇四俠Torch!電影版中實在太型啦!
仲有細個好鍾意睇既「行運超人」(我有成套VCD架!),變左菠蘿包超人!
跟住行過見到好溫馨ge場面,兒子控制軚盤,爸爸踩油門!
終於都去排隊,排左45分鐘去睇Lego!
係Star War十周年展覽(我其實一集Star War都無睇過...)
但其他Lego係幾吸引!呢個好港式車仔麵加辣椒醬,仲有埋法例條款呢!勁
這個好中國式的!
最後,捱到7點鐘,不負所望,用15蚊試到呢個「一扭凝到結冰」既可樂!
響部機一出黎,就要扭開,飲一大啖,扭返實,轉一轉,就見到有啲冰塊出現!
好神奇,飲落似思樂冰,但結左一次冰之後,就即係普通可樂....哈
沒有留言:
張貼留言