[A & Fever] Concert YY

每晚得到十多位歌手力撐，獻唱三十多首Wyman經典金曲，一連六晚的黃偉文作品展已經完滿結束。Facebook同Youtube被這個Concert YY洗板及瘋傳，我看了頭兩場以及在最後一天買了尾場門票，由山頂坐到落平台，感覺實在太棒啦！演唱會嘉賓晚晚不同，Rundown也有變更，令每晚獨一無二的演唱會都充滿驚喜！



Shine　祖與占　燕尾蝶　俗
Swing　大大公司　帝國大廈　那邊見
Twins　明愛暗戀補習社　愛情當入樽　二人世界杯　下一站天后　多謝失戀
王菀之　小團圓　末日　最好的　低科技之歌
何韻詩　艷光四射　你是八十年代　光明會　再見露絲瑪莉　明目張膽　木紋　勞斯萊斯　癡情司
何韻詩/陳奕迅　芳華絕代（原唱：梅艷芳/張國榮）
周柏豪/鄭融　一事無成
周國賢　目黑
李彩樺　你唔愛我啦
吳君如/黃偉文　初一十五
吳浩康　洗剪吹
林宥嘉　自然醒　唐人街　看見什麼吃什麼
官恩娜　地平線
容祖兒　桃色冒險　跑步機上　越唱越強　痛愛　破相　心淡　牆紙　我的驕傲　十六號愛人　黃色大門
許志安　灰飛煙滅
許志安/車婉婉　會過去的


趙學而　最佳位置（原唱：陳慧琳）　歡樂金宵（原唱：古巨基）
楊千嬅　可惜我是水瓶座　勇　野孩子
彭羚　　小玩意　給我愛過的男孩們
黃耀明　這麼遠(那麼近)　小王子　我這麼容易愛人
彭羚/黃耀明　漩渦
達明一派　達明一派對
側田　　命硬
張信哲　到處留情
黃耀明/林宥嘉　親愛的瑪嘉烈
鄭秀文　親密關係　如何掉眼淚　罪與罰
薛凱琪　奇洛李維斯回信　男孩像你　甜蜜蜜
陳奕迅　時代曲　反高潮　沙龍　落花流水　最佳損友　陀飛輪　葡萄成熟時　浮誇　單車　打回原形　不知所謂　超人的主題曲　傾城 （原唱：許美靜）　美中不足 （原唱：許志安/葉德嫻）　不要離我太遠（原唱：鄧麗欣）　尼古丁（原唱：陳冠希）


草蜢　　好戲在後頭　失樂園
傅珮嘉　絕
盧巧音　好心分手　垃圾
李蕙敏　(你沒有)好結果　活得比你好
蘇永康　那誰　有人喜歡藍
張敬軒　井

李克勤　世界末日的早上　我不會唱歌
麥浚龍　耿耿於懷
劉浩龍　髒話阿七
鄭伊健　吻感　發現
謝安琪　神奇女俠的退休生活　囍帖街
陳曉東　水瓶座
梁漢文　PG家長指引
陳奕迅/蘇永康/黃耀明/容祖兒/何韻詩/薛凱琪/黃偉文　給十年後的我（原唱：薛凱琪）



2012.02.09 黃偉文作品展Concert YY
超抵睇！全晚一路期待每位神秘嘉賓登場～彭羚 陳奕迅 鄭秀文 薛凱琪 何韻詩 容祖兒 傅珮嘉 盧巧音 李蕙敏 蘇永康 張敬軒 周柏豪 鄭融！第一晚足足唱左有36首歌！容祖兒以主人家身份由頭唱到尾咁真係多左啲。又登場既歡呼聲變左「又係佢呀？」
作品展全晚都係以歌會友多，Wyman無乜同嘉賓交流。
另外，大家啲衫都好靚，好似睇緊Fashion Show咁，估唔到軒仔會著住D&G，唔知有冇人影呢？btw，正台就筍晒，另一個角落真係好多都睇唔到囉"
雖然我坐響最大既山頂，沒有握手位，但依然享受一整晚，望住細細粒人仔，望住歌詞，快樂嗎～
有兩次Wyman講到我以為係介紹緊楊千嬅出場囉！見到唔係果刻真係成個人Down晒，儘管那是張敬軒同陳奕迅！！

2012.02.10 黃偉文作品展 YY Concert
第二晚嘉賓有(依出場序)容祖兒 黃耀明 李克勤* 李蕙敏 何韻詩 蘇永康 官恩娜* 薛凱琪 張信哲* 鄭伊健* 盧巧音 傅珮嘉 鄭秀文 陳奕迅 共37首歌，女主人家今天沒有唱破相，令垃圾四部曲有點美中不足！而Wyman有其他新衫，Rundown出場序唔同左都有驚喜！Eason仲唱左同尋晚唔一樣既歌增加了新鮮感！也感到很有heart！他更比主人家更早多謝演唱會的大樂隊！話說Wyman尋晚淨係多謝贊助商同時裝品牌，今晚只多謝了band leader@@
不過真係有個想法，這個明明是填詞人黃偉文的作品展，打歌詞的螢幕比現場轉播多，但大多數歌手都有忘詞唱錯詞，記得傅珮嘉前陣子說過，原來她一真唱錯絕的最尾一句！更一直不知道唱金直至Wyman告訴她才知。在這個演唱會，她唱對了，但其他歌手呢？唔知Wyman又有咩感覺呢？

2012.02.14 黃偉文作品展 YY Concert
原本第一晚可以睇到彭羚已經係個Bonus同滿足，但最終在前一個晚上抵不住千嬅的誘惑同炒到千千聲既門票，找到好友排通宵買平台位！多謝呀銘，唔係你一叫即出我一定無得睇！無得現場見證更加係一個遺憾！
最後一場的嘉賓陣容有(依出場序)何韻詩 蘇永康 盧巧音 陳曉東 謝安琪 容祖兒 黃耀明 王菀之 吳君如 梁漢文 薛凱琪 彭羚 傅珮嘉 李蕙敏 陳奕迅 楊千嬅！！
即使事已知九成嘉賓，加上睇左幾場，但仍然有驚喜！改由何韻詩打頭陣原來是打算搶女主人家地位，全晚唱8首歌！後段跟陳奕迅火辣合唱再加舌吻實在哄動！
吳君如同Wyman合唱也是一個高潮！全晚高潮泆起，完全無廁所位！
彭羚獻聲依然轟動，把觀眾融掉了，跟第一晚唱一樣的歌曲雖然已在YouTube loop爆了，但最後安歌唱我最愛的「給我愛過的男孩們」實在high翻了！但最後容祖兒帶動全場觀眾叫encore卻令觀眾失望，她是存心搶風頭同搞事對不對？！不過佢尋晚再唱破相，放輕了聲唱沒有完美走音，哭腔更有感覺！
不得不提當然是丁太大住個肚上台獻唱三首金曲，Wyman再來上台送花同BB車同世紀擁抱！置身現場除了震動還有感動！
Wyman講得好啱，廣東歌唔係垃圾，香港人的文化令不少有才華歌手被冷落，失去才懂珍惜，呢個演唱會可以聽到人感動流淚，可一不可再的場面
尋晚連讓觀眾叫encore及band行出行入位都無埋，因為實在超時演出！太太太太正啦！